Deila
Reynslan sýnir að vefverkefni tefjast oft ekki vegna hönnunar eða forritunar heldur vegna þess að efnið er ekki tilbúið. Þegar efnisvinna byrjar of seint hægist á öllu ferlinu og útgáfudagur færist til.
Hér förum við yfir nokkur atriði sem mikilvægt er að hafa í huga þegar efni er undirbúið fyrir nýjan vef.
Smíði nýs vefs er umfangsmikið verkefni sem krefst góðrar verkefnastjórnunar. Verkefnisáætlun vefstofunnar skilgreinir yfirleitt helstu vörður verkefnisins, en efnisvinnan er innanhússverkefni sem þarf að skipuleggja sérstaklega.
Það er mikilvægt að hafa í huga að áætlun vefstofunnar gerir yfirleitt ráð fyrir að verkefnið stöðvist ekki vegna innanhússferla, leyfa starfsmanna eða hægrar efnisvinnu.
Virkjaðu eigendur efnis snemma
Finndu snemma þá sem bera ábyrgð á efninu og þurfa að staðfesta eða breyta. Þetta geta verið stjórnendur á sviðum eins og markaðs-, vöru- eða sölusviði. Mikilvægt er að þeir geri sér grein fyrir þeirri vinnu sem framundan er.
Myndefni þarf að vera til staðar
Myndir, vídeó og önnur grafík hafa mikil áhrif á heildarásýnd vefsins. Því þarf snemma að svara nokkrum spurningum:
Vandaðu allt myndefni
Nýr vefur er lítið annað en umgjörð og flæði utan um efnið þitt. Lélegt myndefni verður aldrei efniviður fyrir flottan vef. Hafðu heildarsýn á myndheiminn; grafík, ljósmyndir og vídeó. Fáðu aðstoð hjá fagfólki.
Í grófum dráttum eru tvær leiðir þegar efni er undirbúið fyrir nýjan vef: Að endurnýta efni af eldri vef eða skrifa efni frá grunni.
Í flestum tilfellum er eðlilegt að endurnýta efni af eldri vef. Þar liggur hugmyndavinna sem þegar hefur verið fjárfest í.
Hins vegar má ekki vanmeta vinnuna sem felst í að flytja efnið yfir. Nýr vefur kallar yfirleitt á breytingar á veftré og skipulagi sem þarf að taka tillit til.
Ef efni þarf að flytja yfir óbreytt þarf að skilgreina það snemma svo hönnun geti tekið mið af því. Annað efni er oft hægt að stytta, sníða og laga að nýrri framsetningu.
Efnisúttekt
Fyrsta skrefið er að taka stöðuna á efninu sem til er. Ef vefurinn er tiltölulega lítill er oft best að fara handvirkt yfir veftréð og skrá allar síður í töflureikni.
Skoðaðu einnig mælingar í Google Analytics til að sjá hvaða síður fá raunverulega umferð. Fyrir stærri vefi er hægt að nýta verkfæri eins og Screaming Frog, SEMRush eða Ahrefs.
Spurningar sem gagnlegt er að svara:
Síður sem enginn heimsækir eða hafa óljósan tilgang eiga oft ekki lengur rétt á sér. Í mörgum tilfellum er hægt að nýta hluta efnisins annars staðar á vefnum.
Hér eru ágætar leiðbeiningar um úttekt í GA, skref fyrir skref, frá Orbit Media.
Greindu umferð á vefinn niður á einstakar síður
Úttekt á efni er yfirleitt sett upp í töflureikni þar sem hver síða er listuð upp, eins og hér er gefið dæmi um.
Jafnvel þótt efnið sé ennþá gagnlegt getur verið ástæða til að yfirfara það með tilliti til:
Oft er hægt að stytta setningar og málsgreinar verulega. Gestir vefsins vilja finna upplýsingar hratt og í sem fæstum skrefum.
Sérstaklega þarf að huga að fyrirsögnum, bæði með tilliti til skannanleika og sýnileika í leitarvélum og AI leit.
Myndefni þarf einnig að yfirfara. Myndir geta verið úreltar eða ekki lengur í takt við ímynd fyrirtækisins og stundum þarf að endurnýja leyfi fyrir notkun þeirra.
Farðu vel yfir efnið
Jafnvel þótt efnið sé endurnýtt að mestu á nýjum vef þarf að fara rækilega yfir það og staðfesta með eigendum þess. Nýttu tækifærið til að stytta og einfalda texta eins og hægt er.
Ef vefverslun gegnir lykilhlutverki á nýjum vef þarf að fara sérstaklega vel yfir vörulýsingar og myndefni. Þó að efnið sé sótt úr viðskiptakerfi er algengt að það sé ófullnægjandi eða óuppfært.
Í sjálfsafgreiðsluumhverfi þarf efnið í raun að taka hlutverk sölumanns - bæði að upplýsa og sannfæra.
Einföld regla gildir:
Því flóknari eða dýrari sem varan er, því vandaðra þarf efnið að vera.
Stundum er best að byrja með hreinan striga. Það á til dæmis við þegar starfsemi hefur breyst mikið, fyrirtæki hafa sameinast eða nýtt skipulag hefur verið innleitt.
Þá getur verið betra að byggja nýtt veftré frá grunni í stað þess að reyna að laga það gamla.
Spurningar sem gagnlegt er að svara:
Í hönnunar- og prótótýpuvinnu er eitt af lykilverkefnunum einmitt að finna vefskipulag sem lýsir starfseminni sem best og styður góða notendaupplifun.
Stundum er best að byrja með tóman striga
Ef starfsemi hefur mikið breyst síðan núverandi vefur kom út er oft best að byrja alla efnisvinnu og skipulag hennar frá grunni.
Gott skipulag nauðsynlegt
Best er að geyma efni hverrar síðu í eigin skjali, t.d. í Word eða Google Docs, og geyma þær saman í möppu sem ber heiti yfirsíðunnar, ef við á, til dæmis “Um fyrirtækið” eða “Lausnir” o.s.frv. Settu allt veftréð upp í töflureikni, síðu fyrir síðu.
Þegar efni er skrifað fyrir nýjan vef er gagnlegt að hafa eftirfarandi í huga:
Myndefni er mjög mikilvægt
Myndir og vídeó gera ekki aðeins vefinn fallegri heldur bæta einnig skannanleika og geta haft jákvæð áhrif á sýnileika í leitarvélum.
Í sumum tilfellum getur gott myndefni jafnvel mótað hönnun vefsins og veitt hönnuðum innblástur fyrir heildarstefnu útlitsins.
Efnisvinna er oft vanmetinn þáttur í vefverkefnum. Í flestum tilvikum er efni af eldri vef endurnýtt að hluta, en mikilvægt er að gera ráð fyrir nægum tíma í yfirferð, uppfærslur og samþykktarferli.
Með því að virkja eigendur efnis snemma og skipuleggja efnisvinnu vel má forðast algengar tafir og tryggja að nýr vefur fari í loftið á réttum tíma - með efni sem raunverulega styður markmið fyrirtækisins.
Q: Hvenær á að byrja að vinna efni fyrir nýjan vef?
A: Best er að byrja strax – jafnvel áður en hönnun og forritun hefst.
Q: Á ég að endurnýta gamalt efni eða skrifa allt upp á nýtt?
A: Oftast er blanda best: nýta það sem virkar, en endurskrifa eða bæta þar sem þarf.
Q: Hvernig geri ég efnisúttekt (content audit)?
A: Settu upp veftré í töflureikni, greindu heimsóknir með Google Analytics eða lausnum eins og Screaming Frog og legðu svo mat á gæði hvers texta og myndar.
Q: Hversu miklu máli skiptir vandað myndefni?
A: Myndir og myndbönd bæta notendaupplifun, styrkja vörumerkið og hafa bein áhrif á árangur í leitarvélum.
Q: Hverjir bera ábyrgð á efninu?
A: Yfirleitt eru eigendur efnis stjórnendur vöru-, markaðs- eða sölusviða, en þeir þurfa að vera virkjaðir snemma til að forðast tafir.
